Новости

Урачыста, чулліва, прыгожа ладзілася на адным з палеткаў сельскагаспадарчага філіяла ААТ «Слуцкі сыраробны камбінат» раённае свята «Зажынкі-2017». Нібы ў падарунак аграрыям раёна дзень выдаўся па-летняму сонечным і цёплым. Напэўна, сама прырода клапацілася пра добры настрой камбайнераў і вадзіцеляў: толькі са светлымі думкамі можна пачынаць адказную справу – уборку хлеба.

Цёплымі словамі віталі хлебаробаў старшыня Слуцкага раённага выканаўчага камітэта Андрэй Уладзіслававіч Янчэўскі, дэпутат Палаты прадстаўнікоў Нацыянальнага сходу Рэспублікі Беларусь Валянціна Вітальеўна Ражанец і іншыя госці свята.